Dinamiza, Normaliza

II Encontro de Equipos e Docentes pola Normalización

2012-01-26T23:37:00.000+01:00

A CGENDL presentou o II Encontro de Equipos e Docentes pola Normalización . Serán en febreiro, Santiago e desenvolveranse co seguinte programa:

II Encontro de Equipos e Docentes pola Normalización

View more documents from Coordinadora Galega ENDL

Contos para a paz

2012-01-25T23:53:00.000+01:00

A Escola Unitaria de Vide, unha vez máis preséntanos unha interesante recompilación de contos relacionados coa Educación para a Paz, porque para falar de contos e de sentimentos, mellor ir a Vide . Parabéns por esta ferramenta para traballar a paz desde a literatura e a educación emocional.

2012, Ano Paz Andrade

2012-01-09T23:27:00.000+01:00

O Plenario da Real Academia Galega, decidiu, no mes de xuño pasado, dedicar o Día das Letras galegas de 2012 a Valentín Paz Andrade. Avogado, xornalista, poeta e figura fortemente ligada ao mundo empresarial vigués,defendeu a nosa lingua ,entrando a formar parte da RAG en 1964, cun discurso que contestou Alvaro Cunqueiro.

2011-12-31T18:12:00.000+01:00

E para o ano que está a piques de comezar, dous mil desexos doces para a nosa lingua e para todos vós:

2011-12-23T17:00:00.000+01:00

Estas son as tarxetas de Nadal do Ceip Quintela que se poden enviar por correo electrónico desde a aplicación da CGENDL.O texto pódese redactar para cada envío, só hai que engadir os datos da dirección de correo e os do remitente.

Bo Nadal

2011-12-22T19:10:00.000+01:00

Bon Nadal

View more presentations or Upload your own.

2011-12-21T22:30:00.000+01:00

Con esta tarxeta ilustrada por Sara Pastoriza de 6º curso de Primaria e texto de Jerodesexamos á comunidade escolar un Bo Nadal e un Feliz aninovo 2012.

2011-12-21T21:00:00.000+01:00

Aquí temos as tarxetas preseleccionadas para o concurso deste ano:

Tarxetas nadal

View more presentations from dinamizanormaliza

Ler para medrar II

2011-12-09T00:22:00.000+01:00

Lecturas primaria2

View more presentations from dinamizanormaliza

Ler para medrar I

2011-12-09T00:18:00.000+01:00

Coma todos os anos polo nadal, a Coordinadora de Equipos de Normalización e Dinamización do Morrazo propón unha guía de lecturas ás familias. Recolle novidades editoriais deste ano e salienta o esforzo editorial no ámbito infantil xuvenil con apostas realmente fermosas. Pretende normalizar desde a lectura e axudar ás familias na elección de agasallos.

Lecturas infantil

View more presentations from dinamizanormaliza

A castaña no ourizo

2011-12-08T00:19:00.000+01:00

A literatura popular sobre a temática do outono é moi abondosa.Todos os anos intentamos afondar no seu coñecemento a través dos distintos ciclos, procurando poñer ao alumnado en contacto con este rico patrimonio, que doutro xeito non coñecerían . En 6º de Infantil produciron o seguinte vídeo sobre un dos recitados de outono:

Recursos para o Nadal

2011-12-05T23:38:00.001+01:00

A Coordinadora Galega de Equipos de Normalización e Dinamización Lingüística ofrece na súa web unha recompilación de recursos para o Nadal. Podemos atopar desde modelos de cartas aos reis e outros personaxes de Nadal, ata recompilacións de cantos, contos ou materiais para asesorar ás familias.

Coma no curso pasado contén unha aplicación para poder incorporar as nosas tarxetas de Nadal e enviar felicitacións dixitais co seu deseño.

Preme na imaxe para acceder:

O rato e o s ventos

2011-12-05T23:19:00.000+01:00

Os nenos e nenas de 4º curso, prepararon o conto de Arnold Lobel, "O rato e os ventos", para contárllelo ao alumnado de 1º curso co Kamishibai. Agora podemos gozar deste fermoso traballo no vídeo que elaborou o equipo de TICS, coas súas voces e ilustracións:

Chega o Culturgal

2011-11-28T23:00:00.001+01:00

O Culturgal, a Feira das Industrias Culturais de Galicia, celébrase esta fin de semana no Pazo da Cultura de Pontevedra. Comeza o venres e ao longo de tres días contará con presentacións de libros, obradoiros infantís , actuacións musicais, entrevistas e unha chea de actividades para todo tipo de públicos .

No seu Foro debatiranse propostas de desenvolvemento para este importante sector empresarial galego e facilitará a posta en contacto das empresas e a circulación de información especializada.

Conta cunha programación especial para as familias, con actividades tan variadas como obradoiros de cociña, contacontos, presentacións de discos, karaoke, maquillaxe, etc.

Consulta aquí o programa e elixe o mellor momento para apoiar esta iniciativa, tan importante para o mundo empresarial da cultura, e pasar unha divertida xornada.

Conxugador para os verbos

2011-11-28T22:11:00.000+01:00

Xa non temos escusa para non saber os verbos. Preme na imaxe e proba a pedirlle a esta web a conxugación do teu verbo preferido.

Por que é bo que os nenos e as nenas aprendan ben o galego?

2011-11-28T21:50:00.000+01:00

Por que é bo que os nenos e as nenas aprendan ben o galego

View more presentations from Coordinadora Galega ENDL

Esta é unha presentación da Escola Oficial de Idiomas de Pontevedra.

A lingua sabe a pan

2011-11-21T16:38:00.000+01:00

No CEP de Cea achéganos este fermoso vídeo no que participan todos:

Celebración do 2º Día da Ciencia en galego

2011-11-04T23:20:00.001+01:00

Chegou o día e a técnica deixounos gozar do relatorio de Dona Isabel Fraga Vila coma se estiveramos na mesma universidade.

Non eramos os únicos, xa que máis de 4000 rapaces e rapazas de 70 centros toda Galicia poideron compartir con nós a experiencia.

A directora do Museo de Historia Natural de Santiago e profesora de Botánica desta universidade deixounos claro por que os bosques son tan importantes.

Nunha amena e clara charla foi explicando cales eran os tipos de bosques, como era a intervención humana neles e que beneficios aportan á humanidade. As palabras da especialista en Botánica eran acompañadas por unha clara presentación, compartindo a pantalla coa imaxe da relatora, axudando a visualizar toda a información.

Cando rematou o seu relatorio a profesora, todos os asistentes querían saber máis e así o demostraron formulando preguntas como:

Que especies están ameazadas en Galicia?

Cal é a árbore máis grande do mundo? E a que máis vive?
Como podemos evitar a deforestación?
Cales son os bosques máis importantes de Galicia? E do mundo?
Son os eucaliptos perxudiciais para o montes?
Sobre estas cuestións o moitas outras seguirán dsen dúbida investigando nas aulas.
Na nosa comarca, centros como o CEIP A Rúa e O Hío de Cangas, o CEIP Montemogos de Bueu, e os CEIP de Tirán e Domaio de Moaña , seguiron a videoconferencia " Sabes por que 2011 e o ano internacional dos bosques" que organizou a Coordinadora Galega de Normalización Lingüística en colaboración coa Universidade de Santiago de Compostela.

No caso de secundaria o éxito tamén caracterizou a actividade .Foi o CPI de Soutomaior quen presentou a videoconferencia impartida por Angel Carracedo, catedrático de medicina legal e director do Instituto de medicina legal e do grupo de medicina xenómica da USC. O profesor Carracedo falou dende a cidade de Natal, no Brasil , dirixíndose a máis de 6.000 rapaces e rapazas de 100 institutos de toda Galicia.

Na comarca o IES de Rodeira de Cangas e o IES Paralaia de Moaña participaron na actividadee seguiron con atención a interesante charla e as oportunas preguntas.

Que é o Samaín?

2011-10-31T19:24:00.000+01:00

Samaín

View more presentations from bibliotecadocole

Recursos para o Samaín

2011-10-26T16:34:00.000+01:00

Desde Ceip Outeiro das Penas , en Redondela,vía Pequesreboreda chéganos esta completa recompilación de recursos para o samaín:

Día da ciencia en galego

2011-10-23T23:19:00.001+01:00

O vindeiro 4 de novembro celebraremos o Día pola ciencia en galego participando na videoconferencia que organiza a CGEDNDL, en colaboración coa Universidade de Santiago de Compostela.
O relatorio correrá a cargo de Isabel Fraga Vila, profesora titular do departamento de Botánica da propia universidade e directora do Museo de Historia Natural da USC .
Desde Santiago e a través dunha vídeo cámara, todos poderemos aprender moito do seguinte tema:
SABES POR QUE 2011 É O ANO INTERNACIONAL DOS BOSQUES?

Para irnos metendo en materia observemos o seguinte vídeo:

4 de novembro, Día da ciencia en Galego

2011-10-23T23:15:00.000+01:00

O vindeiro 4 de novembro celebrarase a II edición do Día da ciencia en galego .
A CGENDL participará organizando, en colaboración coa Universidade de Santiago de Compostela, dúas videoconferencias destinadas ao Ensino Secundario e á Educación Primaria.

Angel Carracedo, director do Instituto de Medicina Legal e do grupo de Medicina Xenómica da USC e Mª Isabel Fraga Vila, profesora titular do Departamento de Botánica da USC e directora do Museo de Historia Natural, serán os encargados de achegar os coñecementos científicos ao alumnado, nunha actividade que pretende poñer a nosa lingua en valor.

Como veremos, todo tipo de coñecementos e aprendizaxes poden darse en calquera lingua, e o galego é tan válido coma as demais.

O espantallo amigo en video

2011-07-09T21:02:00.001+01:00

Este é o vídeo da adaptación da obra "Espantallo amigo" de Neira Vilas, representado polo alumnado de 4º curso:

O club de remo

2011-06-26T16:04:00.000+01:00

O pasado xoves día 17, varios monitores do Club de Remo Samertolameu viñeron ao cole a darlles unha charla ao alumnado do 3º ciclo sobre este deporte, para animalos a participar nun curso de verán que organizarán no mes de xullo. Trouxeron ergómetros nos que os nenos e nenas simularon unha parte dun entrenamento desta modalidade deportiva, e cos que o pasaron xenial!

O alumnado de 6º e a Galipedia

2011-06-24T22:13:00.002+01:00

O alumnado do 6º curso preparou a entrada na Galipedia do pintor moañés Xavier Ríos:

Pouco a pouco, imos aumentando as colaboracións.

Intercambio en Infantil

2011-06-16T22:10:00.000+01:00

A última viaxe dos intercambios deste ano é a de Infantil, que visitará a escola dos compañeiros de Vide,, no concello de As Neves que o curso pasado estiveron con nós en Moaña. Esta é a mensaxe que nos enviaron para invitarnos:

Para quintela

View more presentations from bibliotecadocole.

Estivemos en Vide

2011-06-16T19:32:00.001+01:00

Xa veñen!

2011-06-06T23:06:00.000+01:00

Estamos ansiosos esperando o día 8, no que recibiremos
aos amigos e amigas de Taragoña
Isto é o que lle temos peparado:.

Homenaxe a Fernández Paz

2011-06-06T00:23:00.001+01:00

Amigo, guía, mestre, sabio, compañeiro,aposta segura,...estas son algunhas das palabras que lle dedicaron a Agustín Fernández Paz nas súas intervención Olga Iglesias, Valentina Formoso, Xavier Docampo ou César Yáñez o sábado, no Museo do Pobo Galego.

O veterano mestre soubo recibir os eloxios como só alguén da súa calidade humana o pode facer, axudándonos a todos e todas a controlar as nosa emocións, que eran moitas, nun fermoso día para a nosa lingua.

Alí estivemos, lembrando o traballo dos Equipos de Normalización ao longo dos 20 anos, que foron pasando con distintas bifurcacións ,como dixo Paco Veiga, desde o seu nacemento.

As intervencións dos distintos oradores foron brillantes, oportunas e atinadas e de todos eles, desde Rubén Rivas ata Xabier Camba poderiamos escoller afirmacións memorables.

Deixo aquí a semellanza que nos fixo Agustín Fernández Paz entre o labor do actual goberno coa lingua e a afección a coleccionar e baleirar ovos que algúns cativos tiñan noutros tempos.

Ovos baleiros...baleiros de contido, coa mesma apariencia por fóra..., mais baleiros de contido por dentro. Así queda a nosa lingua, baleira de contido, cunha aparencia externa lexislada, pero sen presenza real.

Sabias verbas, grazas unha vez máis Agustín.

Festival de teatro

2011-05-26T22:47:00.000+01:00

Esta semana celebramos o festival de teatro, este era o programa:
Cartel Letras Todo

E este foi o resultado:

Intercambio lingüístico

2011-05-24T23:46:00.001+01:00

Por fin chegou o día! O mércores 25 de maio viaxaremos a Rianxo a falar e escoitar aos nosos amigos do Brea Segade. Temos unha interesante e completa programación: visita ao centro arqueolóxico de Neixón, obradoiros, visita ao castro , ruta dos muíños de Guláns e contacontos..

Pero o que esperamos con ansias é o encontro cos amigos que coñecemos o curso pasado.

Actividade de educación documental

2011-05-17T19:05:00.002+01:00

Para os nenos e nenas do 2º e 3ºciclo, tedes AQUI unha ficha para cubrir sobre Lois Pereiro.
Xa sabedes que para cubrilo, tedes toda a información necesaria neste blog, ou no menú lateral dos blogs de Biblioteca ou de ciclo.

Unha vez cuberto, entregao ao teu titor/a, e recibirás un agasallo.

O "L" de Galicia, o "L" de Lois

2011-05-17T18:00:00.002+01:00

Luís Angel, Luisiño, Luisón, Lois.

Loia.

Canto eterno dunha terra fráxil.

Do "Abecedario de Lois Pereiro", por Marcos Calveiro, no Xornal de Galicia (15-05-2011).

Que Letras Galegas máis atinadas!

Lois Pereiro

2011-05-17T17:48:00.000+01:00

Para atopar información sobre Lois Pereiro,esta presentación do CEIP As Covas de Meaño:

Open publication - Free publishing - More ceip as covas

Liña do tempo sobre Lois Pereiro

2011-05-17T16:56:00.000+01:00

Para visualizar as datas na vida de Pois Pereiro, resulta útil esta liña do tempo do CEIP Condesa de Fenosa de O Barco, vía CGENDL

Actividades sobre Lois Pereiro

2011-05-09T22:11:00.000+01:00

O seminario Galán elaborou este xogo Lim sobre Lois Pereiro, dirixido ao 1º Ciclo de Primaria. Atopámolo na recompilación e materiais da CGENDL.

Preme na imaxe para xogar.

2011-05-09T09:22:00.002+01:00

ACCESO DENEGADO.

Desde o venres 6 de maio e ata o9 de maio, o acceso dende os centros educativos á páxina da CGENDL foi bloqueado pola Rede Corportativa da Xunta de Galicia. Nestes momentos, descoñecemos as causas deste corte do acceso e temos solicitado o seu desbloqueo por razóns pedagóxicas evidentes: cando entredes en http://www.coordinadoraendl.org/ e saia a mensaxe de erro, premede a ligazón para solicitar que se habilite ese contido e cubride os datos que se piden.

Materiais sobre Lois Pereiro

2011-05-08T18:52:00.000+01:00

Na páxina web da Coordinadora Galega de ENDL atoparemos unha boa recompilación de materiais e recursos sobre Lois Pereiro, para traballar nas aulas. Preme na imaxe.

2º Correlingua do Morrazo

2011-05-05T22:43:00.000+01:00

A 2ª edición do Correlingua do Morrazo transcorreu nunha exitosa xornada, onde a esmerada organización desde o CEIP A Pedra e o concello de Bueu garantiron actividades e diversión para todos e todas.
A actuación brindada pola organización do CORRELINGUA tamén resultou ser un éxito e contou coa complicidade de todos os asistentes, que corearon moitas das cancións de Pablo Díaz nun concerto que gustou a todos e todas.
Contamos tamén coa colaboración do Grupo de Desenvolvemento Rural Ulla Umia Lérez , que agasallou aos asistentes cunha degustación de leite fresco pasteurizado e premiou cun lote de leite ao CEIP A LAXE no sorteo efectuada na propia xornada.
E non podemos deixar de agradecer aos rapaces e rapazas dos equipos de Dinamización Lingüística IES María Soliño e Rodeira, en Cangas , que actuaron de colaboradores en todas as actividades, axudando a que a xornada se desenvolvera de xeito tan positivo.

Estupendos colaboradores

2011-05-05T22:20:00.000+01:00

Non só saen así de guapos na foto, senón que tamén foron uns estupendos colaboradores nas actividades do 2º Correlingua do Morrazo, celebrado o mércores 4 de maio no concello de Bueu.
Traballaron sen descanso cumprindo todas as funcións asignadas, axudaron no obradoiro musical, coidaron dos pequenos e explicaron os percorridos polos labirintos, déronlle a pintura nos murais, limparon as mans dos pintores, repartiron leite, recolleron o material, acompañaron aos grupos na marcha... en fin, non pararon en toda a mañá.

O mellor era ver como os máis pequenos seguían as instrucións destes colaboradores, caladamente, nunha convivencia ordenada e respectuosa que nos gustaría repetir noutras ocasións.
Alumnado de1º e 2º de ESO do Equipo de Dinamización Lingüística do IES De Rodeira, en Cangas:

Alumnado do equipo de Dinamización Lingüística do IES María Soliño,en Cangas.
Parabéns polo voso traballo!!!

Dragal II, en FECIMO

2011-05-04T22:49:00.003+01:00

Elena Gallego Abad, autora de Dragal, presentou a nova entrega da serie, Dragal II na Federación de Comerciantes do Morrazo. Acompañaron a autora e periodista afincada en Cangas, o presidente da asociación Xosé Bangueses e a coordinadora da colección Fóra de Xogo, de Edicións Xerais. Desde a mesa, anunciouse a aparición do terceiro elemento da triloxía do dragón para a vindeira primavera e suxeriuse a creación dunha banda deseñada baseada nesta interesante historia .
Entre o público, prestando o seu apoio á escritora, atopamos ao ilustrador Miguel Abad, autor da espectacular capa do libro e do seguinte vídeo, no que podemos ver o proceso de creación do debuxo.

Correlingua do Morrazo

2011-05-03T23:14:00.000+01:00

O mércores 4 de maio, celebraremos a 2ª edición do Correlingua do Morrazo no concello de Bueu. Participaremos, xunto con outros catorce centros de ensino nas actividades organizadas polo Ceip A Pedra , a concellería de Cultura de Bueu e o propio Correlingua. Un total de 1200 nenos e nenas poderemos asistir ao final da xornada á actuación de Pablo Díaz,autor do disco Tic-Tac.
Espérannos obradoiros de pintura, musicais e de psicomotricidade e moitos amigos coas súas palabras favoritas debuxadas nas camisetas. Festa rachada!

Concurso de vídeo Correlingua 2011

2011-04-28T21:12:00.003+01:00

O IES Fontem Albei , de A Fonsagrada resultou gañador no concurso de vídeo do Correlingua 2011.Prestádelle atención e atoparedes unha rapazada orgullosa da súa lingua:

MES DOS CONTOS

2011-04-25T22:06:00.001+01:00

Memorias dun neno labrego

2011-04-23T19:37:00.002+01:00

...Contou o tío Anselmo da Regueira que nos seus tempos de rapaz o fumazo era máis lucido. Andrómenas. Todos os vellos din o mesmo das cousas que facemos os novos....("O fumazo")

Esta é unha cita pertencente a Xosé Neira Vilas, da súa obra "Memorias dun neno labrego", que cumpre 50 anos .
No día do libro, quixeramos que pousarades a mirada na edición conmemorativa desta peza fundamental da nosa literatura publicada pola Editorial Galaxia . As nosa bibliotecas ficarían incompletas sen esta obra, que vai pola 32ª edición e inclúe fermosas ilustracións de Xaquín Marín.
Os pensamentos de Balbino seguen intrigando a moitos rapaces de hoxe e a cadencia emocional dos seus relatos déixannos palabras coma estas:

....¡Se puidese entender moitas cousas! Ou falar tan sequera delas; contarlles aos demais as miñas cavilacións. Pero xa o teño feito e rinseme. E a min dóeme. Dóeme que a xente ande polo mundo como andas as vacas e os burros: procurando soamente o pesebre.

23 de abril, día do libro

2011-04-23T18:20:00.000+01:00

Un libro é...

Unha illa de luz na xema dos dedos

Unha porta sempre entreaberta

Unha duna cara o vento

Unha nube sobre a herba

Unha casa encantada

Unha laranxa do paraíso

Unha carapucha vermella

Unha bufanda colorada

A fenda do espello

A lúa na boca

A voz e o silencio.

Carlos Negro

FELIZ DÍA DO LIBRO!

Orgullosos do noso, orgullosos do galego

2011-04-18T22:23:00.001+01:00

E outra vez volvemos estar orgullosos do noso, orgullosos do galego!

O vídeo publicitario que centrou a campaña da CGENDL no curso pasado, da empresa FILMANOVA .L. ven de ser recoñecido co premio Mestre Mateo á mellor obra publiciatria do ano 2010.

O premio ,foi entregado na gala que se celebrou onte na cidade de Ourense e foi recollido, en nome de Antón Reixa, por dous membros do Consello Directivo da Coordinadora Galega de Equipos de Normalización Lingüística.

Román Landín e Valentina Formoso volveron a lembrarnos a todos o importante labor a prol do galego que desenvolvemos cada día desde os centros de ensino.

Vaia contacontos!

2011-04-05T23:20:00.002+01:00

Estiveron con nós e enfeitizaron a grandes e pequenos. A acertada selección de contos e a escenificación a mans do alunmnado de 1º de ESO garantiron o éxito desta xornada tan especial de contacontos.
Aos pequenos encántalles escoitar contos nas voces doutros rapaces e hoxe gozaron de verdade.

En abril, contos

2011-04-04T22:59:00.002+01:00

Como todos os anos,polo mes de abril, o alumnado do primeiro ciclo de ESO do IES A Paralaia vannos agasallar coas súas sesións de contacontos. Mañá traerannos unha cuidada selección de contos e nós esperarémolos coas máns preparadas para batelas a rabiar.

Encontro con Neira Cruz

2011-03-28T22:44:00.001+01:00

Xosé Antonio Neira Cruz visitounos e compartiu, co alumnado do segundo e terceiro ciclo, a súa sensibilidade e a maxia da súa palabra. Contounos historias mil, nun relato delicioso que foi envolvendo a cada un dos presentes.
Acababan de ler "Violeta non é violeta" e quedaron con ganas de ler outros libros deste fantástico orador.

21 de marzo, un poema e un caravel

2011-03-21T22:53:00.002+01:00

Un poema e un caravel. Así celebramos o día da poesía. Desde 4º de Infantil ata 6º de Primaria , todos os cursos recibiron un poema e máis un caravel que quixemos compartir coas familias . Anisia Miranda,Helena Villar Janeiro, García Teijeiro, Xoán Neira, e Xavier Seoane foron os autores traballados este ano.
Podedes atopar máis poemas en Poemas para peques.

21 de marzo , día da poesía

2011-03-21T01:23:00.002+01:00

Aquí deixamos a selección de poemas que viaxarán as familias nesta xornada. Un poema por ciclo ...e algo máis. Comeza a primavera, así que ...un poema e unha flor!!!

Open publication - Free publishing - More news

As árbores en Moaña

2011-03-17T22:28:00.000+01:00

Os nenos e nenas de 4º queren ensinarnos cousas das árbores en Moaña:

O Castiñeiro

View more presentations or Upload your own.

Loureiro

View more presentations or Upload your own.

Lingua galega TV

2011-03-14T22:32:00.005+01:00

Lingua galega tv, a canle de televisión por internet, subvencionada pola Secretaría Xeral de Política Lingüística ven de publicar o vídeo filmado no noso centro sobre o Proxecto de Innovación en Normalización Lingüística, agora de Dinamización .

Para acceder, hai que seleccionar do primeiro grupo de vídeos "Lingua, cámara, acción", o titulado "Premios de Innovación en Dinamización Lingüística. Poderemos ver tamén unha reportaxe sobre o proxecto do IES de Rodeira , en Cangas, que tamén resultou premiado.Preme na imaxe.

O noso Entroido

2011-03-12T10:51:00.002+01:00

Este é un texto de Sergio Rúa Costa, de 5º curso.

O meu tío, Leonardo Villar Lamas ten 64 anos e hai 31 anos que non se disfraza.

Vestíase de curruvello, cun sobriño. Para cubrir a cabeza levaba unha boina e nas pernas unha s botas altas de goma. Tamén levaba unha gabardina con remendos e na cara un nariz falso.

Despois de vestirse percorrían os barrios de Quintela. Algunha persoas disfrazábanse e outra non.

O máis divertido era meterse cos demais.

A el gustaríalle que os nenos e nenas seguiran esta tradición disfrazándose de curruvellos.

Sergio Rúa Costa.

Investigando sobre os curruvellos III

2011-03-10T18:22:00.002+01:00

Temos aquí un novo texto sobre os curruvellos. Trátase do de Sara Pastoriza, de 5º curso.

María Pastoriza Rodríguez, de 58 anos, hai catro anos que non se disfraza de curruvello.

Todo o mundo que quixera podía disfrazarse. Saía en grupo coas súas amigas.

A roupa que levaban eran panos da cabeza, nas pernas unhas medias, tamén vestían blusas e xerseis de la.

Na cara podían levar antefaces e máscaras.

Despois de vestirse, metíanse con coñecidos e ata con descoñecidos. E ían polas casa dos que non coñecían e andaban todo o día de troula.

A verdade que era moi difícil recoñecelos, xa que tiñan a cara tapada.

O que máis divertido lle resultaba era gastar bromas poñendo voces diferentes, co que conseguían que non os recoñeceran. Ademais, tapábanse as mans porque podían descubrilos por iso.

A María gustaríalle que os nenos e nenas coñeceran esta tradición, porque a ela gustaríalle seguir coas tradicións de toda a vida. É que a ela non lle gustan os disfraces comprados como os de princesas e raíñas..., non. A ela encántanlle os disfraces caseiros porque se fan con moito esmero e cariño.

Sara Pastoriza, 5º curso

Investigando sobre os curruvellos II

2011-03-10T13:15:00.003+01:00

Este foi o texto que elaborou Brais González cos datos da súa entrevista a Mª Carme Bermúdez Durán , de 68 anos.

Entrevistei á miña tía Mª Carme Bremúdez Durán, de 68 anos.

Disfrazábase de curruvello coas súas amigas e fíxoo por última vez hai 10 anos.

En Moaña, disfrazábanse os que querían, con panos e sombreiros na cabeza e con roupa vella no tronco e nas pernas. Na cara levaban carautas.

Despois de vestirse, metíanse coa xente.

Non era nada fácil recoñecelos. O máis divertido era ir pola rúa en grupo meténdose coa xente.

A Mª Carme gustaríalle moitísimo que a xente nova se disfrazara así, era moi divertido!

Brais González, 5º curso

O Entroido tradicional en Moaña

2011-03-10T11:10:00.002+01:00

A Asociación cultural Meiramar-Axóuxeres organizou, o pasado 6 de marzo, unha xornada de Entroido tradicional como se desenvolvía na parroquia de Meira. A festa comezou no Paso Redondo, onde Madamas e Galáns , fermosamente engalanados, danzaron como era costume. Así o viñeron facendo en cada torreiro, durante todo o percorrido por Meira. Acompañáronnos outros personaxes do entroido moañés , como o Fedelloso que gastaba bromas molestas á xente co seu cheiro. O home do saco facía recuar á xente co feixe de toxos e silvas, e aos curruvellos era imposible identificalos.

Investigando sobre os curruvellos

2011-03-09T18:14:00.003+01:00

Este mes, os cursos de 3º, 4º e 5º desenvolveron unha investigación sobre o entroido tradicional en Moaña. O EDLG elaborou un cuestionario para que puideran entrevistar a algún coñecido que se vestira algunha vez de curruvello. Cos datos da entrevistas, elaboraron un texto que recolle a información. Nos vindeiros días iremos presentando estes textos. Tamén podedes consultalos en Aquí vivimos.

Curruvellos

Fixemos unha entrevista a unha persoa maior, Josefa Costa Diz, de 60 anos, para que nos contara con que roupa se vestía no carnaval.

Contounos como se vestía a xente de curruvellos.

Na cabeza poñíase unha bolsa de patacas, sabas vellas e máscaras. Nas pernas vestíanse medias de espuma grosa e pantalóns vellos, e no tronco recheos con coxíns e tamén se poñía chepa.

Na cara levaban sabas vellas con buratos.

Despois de vestirse saían á rúa e facían bromas á xente, pero sen falar, con xestos.

Non era nada doado recoñecer aos curruvellos.

O máis divertido era vestirse mal, porque a xente ría con eles e ían todos detrás dos homes, facerlle bromas graciosas.

Alejandra Ferradás e Alondra Montoya, 5º curso.

Curruvellos en Quintela

2011-03-05T12:27:00.003+01:00

Xa sabemos o que son os curruvellos!!!.

Ao igual que noutras zonas de Galicia, os curruvellos saían á rúa no entroido moañés vestidos coas roupas vellas ou en desuso que atopaban nos faiados. As veces tiñan remendos, outras eran roupas que se superpoñían , co obxectivo de que non se recoñecera á persoa en cuestión .

Seméllanse aos "entroidos" das Terras do Umia, aos choqueiros do Salnés , e as terras de Soneira, aos farravellos de Cangas , as "máscaras" de Vigo e aos "zarralleiros" da Mariña.

Os curruvellos non falan ou disimulan a voz e moitas veces levan un pau para gastarlle bromas á xente.

Nos últimos anos vimos moi poucos, pero este ano todo o alumnado de Quintela apreciou a troula que supón transformarse noutra persoa por un día. Vaia festa!

Coplas de entroido

2011-03-05T00:30:00.000+01:00

Estas son as coplas que cantamos na festa do entroido 2011, nos vindeiros días poderemos escoitalas. Falan dos curruvellos, o personaxe do entroido tradicional moañés do que nos disfrazamos este curso. Foi moi divertido!
ENTROIDO 2011

Madamas e galáns en Moaña

2011-03-05T00:08:00.000+01:00

A Asociación cultural Meiramar-Axóuxeres ven desenvolvendo un importante labor na recuperación e difusión da cultura tradicional, nomeadamente a relacionada coa música e o baile. Nestes días presentarán unha publicación que recolle a investigación desenvolvida sobre o Entroido de Moaña, os costumes, os personaxes, as danzas e a música, as roupas..

Para coñecer algúns destes datos, estivo con nós o presidente da asociación, Geno Piñeiro que coa súa interesante e didáctica charla trouxo personaxes dos que nada sabíamos. Gustounos coñecer ao Fedelloso e ao Home do saco, que permanecían na memoria dos nosos maiores e que agora xa coñecemos nós tamén.

O Fedelloso era un personaxe do entroido moañés , saía coas madamas e os galáns pero representaba o papel contrario a estes, xa que en lugar de ser admirado, resultaba molesto polo cheiro que desprendía e as bromas que gastaba aos veciños.

Tamén os acompañaba un home do saco, encargado de manter afastado ao público dos danzantes. Utilizaba a seguinte técnica: levaba un saco cheo de toxos e outras plantas con pinchos e ao arrimarse á xente, facía que estes se retiraran cara atrás para evitar picarse.

Estas foron algunas das informacións que nos truxo Geno Piñeiro.

Preparando o entroido

2011-03-02T23:45:00.000+01:00

Mañá xoves 3 , visitaranos un representante da Asociación Meiramar Axóuxeres, para falarnos das figuras tradicionais do Entroido moañés, como son as Madamas e Galáns , o fedelloso e o home do saco. Estes personaxes adoitaban protagonizar o entroido na parroquia de Meira , permanecendo na valiosa memoria dos nosos maiores. A asociación cultural recolleu nunha publicación as investigacións desenvolvidas sobre o entroido e ten programada para o vindeiro 6 de marzo unha xornada festiva que reproducirá o entroido tradicional moañés.

Materiais para o entroido

2011-02-21T23:41:00.001+01:00

Carautas, disfraces, receitas, unidades didácticas, cazas do tesouro....A Coordinadora Galega de ENDL pon á nosa disposición estes materiais que se produciron polas escolas do país en diante:

Encontros de equipos e docentes pola Normalización

2011-02-21T00:26:00.000+01:00

O vindeiro 12 de marzo celebraranse os primeiros encontros de equipos e docentes pola Normalización organizados pola CGENDL. Unha xornada que pretende permitir o intercambio real de experiencias e ideas arredor da dinamización e normalización lingüística nos centros de ensino.
A radio escolar, as novas tecnoloxías, a dinamización comarcal ou a oralidade nos contornos castelán falantes serán algúns dos temas que se tratarán, e a proposta vai orientada cara o apoio a todos os esforzos que se veñen facendo nos centros de ensino pola normalización da nosa lingua.

Outra declaración de amor

2011-02-13T23:41:00.009+01:00

Despois da fermosa carta de Sofía Cordal, os novos tempos déixannos estas outras declaracións que nada teñen que ver co amor á nosa lingua. Preme na imaxe e déixanos as túas impresións sobre os prexuízos que se escoitan no vídeo e que axuda a clarexar no seu blog A profa.

Unha carta de amor polo S. Valentín

2011-02-13T23:39:00.000+01:00

Cartas de amor sempre houbo, o que nos comprace é atopalas en galego.
Xesús Alonso Montero, no seu artigo do libro"Cada palabra pesaba, cada palabra medía.Homenaxe a Antón Santamarina", recolle esta carta escrita en 1888 por Sofía Cordal Piñeiro ao seu home, emigrado nas Américas:

...."Por un instante tívente comigo, estiveches conmigo neste escano da lareira onde tantas horas de parola temos pasado. Falabamos de todo e de tódalas castes de xente, tamén dos ricos da aldea e dos ricos da vila, felices eles por seren ricos (pensabamos). Foi nunha desas conversas cando acordamos –aínda me da frema recordalo- que foses ás Américas pra facermos pola vida. Aí estás, meu corazón, e non aquí, conmigo, como eu, astrónoma de min, pensaba hai un anaquiño. Se che parece volve canto antes; non temos fillos que manter e de fame non hemos morrer, aínda que teñamos que ir ó xornal, se o hai, nos meses de traballos máis duros. Mirándoo ben, ahí, na Habana, de mucamo, non se fai un rico coesa cafarnaxe de amos. ¡Volve, meu rei! ¡Eu non vivo sin o teu falar!"

Podédes leela enteira en A balada Corsaria

30 de xaneiro, día escolar pola paz

2011-01-30T22:34:00.004+01:00

O 30 de Xaneiro conmemoramos o día da Paz en todas as escolas do mundo, en memoria de Mahatma Ganghi, pacifista, pensador e político hindú , que foi asasinado o 30 de xaneiro de 1948 en Nova Delhi.
Entre moitas outras mensaxes, deixounos esta:
" O máis atroz
das cousas malas
da xente mala
é o silencio
da xente boa."

E nós, cando vemos as inxustizas que sofre a nosa lingua, cantas veces calamos a boca?

Premios Nobel da Paz

2011-01-30T22:14:00.004+01:00

Deixamos aquí esta presentación do EDLG do CPI Ponte Carreira, de Frades, sobre os premios Nobel da Paz:

PREMIOS NOBEL DA PAZ

View more presentations or Upload your own.

Preparando o día da Paz

2011-01-24T22:52:00.001+01:00

Deixamos aquí un dos poemas de Paz preferidos polos nosos alumnos e alumnas:

Un soldadodetrás dun fusil

Unsoldado detrasdunfusil detrasdunhabala detrasdoutrabala detrasdoutrabala detrasdou
…..é
unha enorme
parvada.

Está entre os poemas seleccionados polo Seminario Galego de Educación pola Paz, "EDUCACIÓN E PAZ III.LITERATURA GALEGA POLA PAZ"(2008).

Vídeo "As nosas mascotas"

2011-01-23T22:15:00.002+01:00

Van chegando as primeiras producións audiovisuais, esta corrresponde a un traballo que fixeron en terceiro de Primaria sobre as mascotas:

Contos de paz desde Vide

2011-01-23T22:06:00.001+01:00

Desde Vide eses amigos que temos en As Neves, vía Sarmenteiros chéganos esta recompilación de contos de paz. Moitos deles poderedes atopalos na exposición que preparamos entre todos e todas na entrada do cole:

Calendario 2011

2011-01-13T23:26:00.004+01:00

Aquí temos a presentación dixital do calendario que elaboramos no primeiro trimestre.
Inspirámonos no de Ceip de Aguiño do 2010, e recolllemos en cada mes unha parte significativa de Moaña, o centro de atención do proxecto deste ano.

Open publication - Free publishing - More colxio

Felices festas

2010-12-24T21:06:00.001+01:00

Cine en galego.... misión imposible!

2010-12-21T23:12:00.003+01:00

Gustarianos pasar unha xornada festiva cun pouco de cine en galego. Pero non, non é doado sen recurrir a dobraxes que xa contan con máis de cinco anos ( media vida nas idades dos noso cativos e cativas). Claro que non podemos utilizar os mesmos criterios que cando seleccionamos material audiovisual noutras linguas : temáticas, calidade das producións, valores trasmitidos..., simplemente temos que utilizar o que hai, que é ben pouco.
O paseo polos video clubs é desolador, case nada minimamente atractivo ou novidoso podemos atopalo na nosa lingua.
Buscabamos " A hora dos agasallos", que fora proxectada no circuito comercial en galego e que recrea a historia do Olentzero vasco, unha sorte de Apalpador de Euskadi, un carboeiro que deixa agasallos polo Nadal aos cativos daquelas contornas.
Ollamos esperanzados as iniciativas das editoriais no seu apoio á produción audiovisual, como é o caso do Soldadiño de Chumbo, ou as curtas que produciu a editorial OQO "Os contos do camiño"

Un feixe de lecturas, para Primaria

2010-12-14T23:23:00.004+01:00

Estas son as guías de lecturas que a Coordinadora de ENDL do Morrazo elaborou para Primaria. Un acercamento ás lecturas en galego desde distintos centros escolares do Morrazo que inclúe algunhas das novidades editoriais deste ano. Alédanos poder presentar tamén varios libros-CD que inclúen DVD , e que veñen a poboar o deserto mundo audiovisual para as idades temperás.

Open publication - Free publishing - More morrazo

Un feixe de lecturas para o Nadal

2010-12-14T23:06:00.004+01:00

Xa están no prelo as guías de lecturas que a Coordinadora de Endl do Morrazo elaborou para este curso. Aquí deixamos as de Infantil, que conteñen as últimas novidades editoriais para estas idades. Cómpre destacar a calidade das publicacións que chegaron ata nós este ano, un esforzo editorial que agradecemos tanto desde os EDLG como desde os centros escolares.
Seguro que as familias tamén o saberán valorar.

Open publication - Free publishing - More lecturas

Recursos para o Nadal

2010-12-11T19:08:00.002+01:00

A Coordinadora Galega de ENDL segue apostando pola presenza do galego no ensino, nestas datas tamén, poñendo a nosa disposición recursos web que se van producindo desde centros de todos os recunchos do país. Tamén recursos que chegan desde institucións públicas ou outras entidades.
Podemos atopar cancións, vídeos, cartas, agasallos etc.Preme na imaxe para entrar.

Publicacións en galego

2010-12-11T18:47:00.005+01:00

Velaí unha escolma de publicacións en galego, botamos en falta as dirixidas cara o público máis novo, aínda así este o panorama escrito en galego que podemos atopar nos quioscos:

Atopámolo en ciberirmandade da fala

Novidades editoriais no Culturgal

2010-11-28T18:49:00.001+01:00

Remata hoxe a Feira das Industrias Culturais Galegas, o Culturgal.
Alí puidemos atoparnos coas últimas novidades editoriais , entre elas "O soldadiño de Chumbo", un libro-DVD editado por Galaxia sobre unha agraciada adaptación do coñecido conto clásico. Libro xoia poderíamos dicir, xa que as ilustracións son fotogramas da película de animación do mesmo título elaborada coa técnica Stop-Motion polos prestixiosos Virginia Curiá e Tomás Conde.
Esta multipremiada curtametraxe está ambientada no Museo dos xoguetes de Allariz, no que tamén vive a fermosa bailarina da que namora o soldadiño. Deliciosa! Nuns días poderedes gozar deste conto na nosa biblioteca.
Desde a editorial OQO tamén nos chegaron outras delicias, entre elas as películas de animación"Os contos do camiño" que sobre títulos como "O gato na árbore" presentaron na xornada do sábado . Esperemos que os poderes públicos apoien iniciativas coma estas ,rompendo as dinámicas dos últimos tempos, para que os nosos cativos poidan gozar da gran calidade que ofrecen estes audiovisuais galegos.

Moaña na rede

2010-11-28T13:01:00.002+01:00

Este é un traballo dixital do alumno de 6º de Primaria Anxo Rúa sobre a igrexa de San Martiño de Moaña. Estamos empezando e desenvolver o proxecto "Moaña pola rede", co que nos presentamos as premios de Innovación e Normalización Lingüística deste curso. A produción presentada responde á investigación que sobre o arte e a historia de Moaña desenvolve o terceiro ciclo de Primaria.

II Asemblea da Coordinadora Galega de ENDL

2010-11-14T18:43:00.002+01:00

Tal como se anunciara na I Asemblea da CGENDL, esta segue o seu traballo sen preguiza nin medo á hora de traballar pola Normalización Lingüística .
O sábado 13 de novembro, no IES As Fontiñas de Santiago de Compostela celebrouse a segunda asemblea nun ambiente de ilusión e apoio unánime ás propostas presentadas. Foron aprobados o Informe Anual do curso pasado e o Plan de Traballo para 2010-2011.
Servir de voz aos equipos , recoller as súas propostas e planificar accións que axuden a vencer prexuízos de xeito creativo, seguen sendo as súa liñas de actuación .
A asamblea acolleu con entusiasmo o Premio Altofalante 2010 que a Asociación Cultural Altofalante de Ribeira acaba de conceder á CGENDL polo recoñecemento ao traballo a prol da lingua desde o voluntarismo, a pluralidade e a racionalidade.

Rap da Física de partículas

2010-11-05T11:27:00.000+01:00

Como xa estamos tan postos en Física de partículas, aquí vai o rap da Física de partículas, que atopamos no blog As Gabarras, do IES Breamo, de Pontedeume:

Do CERN a Compostela, pasando polo Son

2010-11-04T21:43:00.006+01:00

A videoconferencia programada pola CGENDL, en colaboración coa USC e o CERN a través do IES Porto do Son foi un completo éxito.
Desenvolveuse sen dificultades técnicas, pero o máis salientable deixando a un lado o carácter innovador da actividade, foron as emocións vividas. Saber que moitos outros rapaces e rapazas, mestres e mestras estaban a ver e escoitar o mesmo ca nós, lendo no chat as súas impresións era moi emocionante. E sobre todo saber que uns eminentes científicos e científicas dedicaban o seu tempo a facer comprensible esa parte da Física tan pouco visible, casi esotérica ou achegada á ciencia ficción: a física de partículas
As didácticas explicacións de Teresa Fonseca e Abraham Gallas Torreira trasladáronnos nun abrir e pechar de ollos ao túnel acelerador de partículas e a imaxinación das minúsculas partículas que integran a materia.
Desde a USC nunha experiencia pioneira, os profesores Carlos Salgado e Elena Ferreiro resolveron a morea de dúbidas que sobre o mundo que nos rodea se foron verquendo desde todos os puntos do país.
E despois está a mensaxe para a nosa lingua, que acompañou a estes prestixiosos científicos e científicas na súa esplendorosa carreira sen constituír traba algunha.
Parabéns a todos os organizadores por tan proveitosa actividade.

De onde vimos

2010-11-01T23:05:00.004+01:00

Para que lembremos de onde nacen os prexuízos que separan aos novos e non tan novos da lingua, reparade no vídeo "A memoria da lingua" que nos deixan desde o seu blog as candongas do quilombo.
Chegamos a el desde O falar non ten cancelas

A memoria da lingua from as candongas do quirombo on Vimeo.

Premio ao noso proxecto

2010-10-27T22:27:00.004+01:00

A Consellería de Educación e Ordenación Universitaria ven de anunciar a resolución aos premios de Innovación en dinamización Lingüística.
De novo, e por segundo ano, o nos centro ve premiado o seu proxecto, (En galego pola rede II) que é unha continuidade do anterior.

Os premiados nesta edición, xunto co noso colexio son:
CEIP de Aguiño, en Ribeira (A Coruña), o CRA Mestra Clara Torres, en Tui (Pontevedra), o IES Perdouro, en Burela (Lugo) e o IES Rodeira, en Cangas (Pontevedra)
A información, na páxina da Xunta:
Consellería de Educación e Ordenación Universitaria

Quintela no "Ben falado"

2010-10-05T00:16:00.001+01:00

Preme na imaxe para acceder ao vídeo do programa Ben Falado, que o pasado venres emitiu o seu programa sobre o noso colexio:

Eu chorei, chorei.....na India

2010-09-30T08:32:00.003+01:00

A ONG canguesa ShangaIndia leva dez anos desenvolvendo súa acción humanitaria. No 2004 puxo en marcha a escola "María Soliño", que escolariza na actualidade a 340 rapaces e rapazas de primeiro ata 6º de Educación primaria na aldea de Pubai, ao nordés da India . Entre os seus novos proxectos figura a ampliación da escola en dou graos máis para completar os dez cursos da Educación Básica, a suministración de corrente eléctrica e a depuración das augas de abastecemento para asegurar a súa salubridade. Nunha nova campaña de afiliación e recolllida de fondos achégannos este vídeo, temos dúbidas sobre a cantidade de escolarizados do noso país que poden cantar esta canción:

En galego pola rede.Intercambio con Vide

2010-06-15T20:47:00.003+01:00

Esta semana recibiremos aos nenos e nenas da escola de Vide en As Neves. Trátase do intercambio lingüístico programado para Educación Infantil.Poñeremos en contacto dúas realidades galegas diferentes, e cada escola ensinará con orgullo o que é posúen como propio : a paisaxe,os costumes,a lingua.
6º de Infantil envioulle unha invitación á Escola de Vide, en As Neves, para que veñan coñecer Moaña:

Para a escola de Vide 1

View more presentations or Upload your own.

E eles contestáronnos:

DE VIDE A MOAÑA

View more presentations or Upload your own.

10 Razóns para elexir galego como lingua materna

2010-06-15T19:36:00.001+01:00

decalogoInfantil

Bernardino Graña na Real Academia

2010-06-13T09:27:00.006+01:00

A Real Academia Galega desenvolveu, onte en Cangas, unha sesión extraordinaria para celebrar o acto de ingreso do poeta do mar, Bernardino Graña, nunha xornada emotiva na que o pobo cangués homenxeou con agarimo e admiración ao seu poeta.
Isto sería o natural polos innumerables méritos cos que conta, que o levaron ata os máis prezados recoñecementos.
Pero a homenaxe veu de volta, e o gran Bernardino, co seu discurso de entrada "Os contospopulares e Rosalía" fixo unha defensa fundamentada da literatura popular galega, transmitíndonos a súa riqueza e universalidade.
Fixo referencias continuadas ás historias e a musicalidade das verbas que escoitaba de neno na súa casa familiar de Darbo. Devolveu así a homenaxe ao pobo de Cangas que tanto lle debe e amosando o carácter xeneroso e sincero do poeta.
Así empezou o seu discurso Brenardino Graña, académico numerario da RAG: "Os galegos somos coma os salmóns. Se queremos buscar as nosa augas puras e primexenias e seguirmos sendo cama nós mesmos, se queremos sobrevivir, sermos fieis á nosa identidade, temos que deixar o ancho mar do castelán e impulsarnos contra corrente, polos cursos estreitos e doces, río arriba, polos nosos ríos galegos, con perigo de topeñar nalgún penedo, ou sermos comidos por algún oso no camiño."

Recibindo a medalla e nomeamento das mans do seu compañeiro do grupo Brais Pinto, o presidente da Academia, Xosé Luis Méndez Ferrrín.Foto:Gonzalo Núñez.

Comeza a función!

2010-05-24T22:40:00.006+01:00

Xa están os nosos pequenos actores e actrices preparando as súas gorxas para o gran día. O martes 25 desenvolveremos o festival anual de teatro. Aí vai o programa:

1ª Edición do Correlingua do Morrazo

2010-05-23T20:24:00.003+01:00

O venres 21 participamos na primeira edición do Correlingua do Morrazo.
Xuntámonos na praza da cheminea de Massó cos outros colexios: A Rúa e O Hío de Cangas, A Pedra, Montemogos, Torre Cela, e Virxe Miragrosa de Bueu, A Laxe, Seixo e o Carballal de Marín e percorremos as rúas maís céntricas de Bueu. Nós levábamos o noso gaiteiro particular, pero non eramos os únicos. O ambiente era festivo pero a xornada fíxose agotadora polo intenso sol.
Na praza do concello , merendamos e fixemos o que puidemos mentres Mamá Cabra daba o seu concerto:

Que vergoña!

2010-05-20T15:45:00.006+01:00

Nin o informe do Consello Consultivo, nin o da Real Academia Galega, nin o do Consello Escolar de Galicia, nin o do Consello da Cultura Galega, nin o da Coordinadora de Equipos de Normalización e Dinamización Lingüística, nin de canto sindicato de ensino hai ou movementos de renovación pedagóxicas, mesmo das Asociacións de Nais e Pais do Ensino Público, repetimos ningún dos informes ou opinións destes especialistas en materia de lingua foron quen de mudar as teses do actual goberno sobre o decreto do galego.
Hoxe a Xunta aprobou o decreto do galego, chamado do plurilingüismo, con pequenas modificacións que serán retomadas en posteriores regulamentos. A pesar de suprimir as consultas aos pais en Educación Primaria, o goberno afirma que promulgará unha lei posterior na que se dará cabida a tal compromiso electoral. Tampouco veremos afastadas das aulas as propostas nas que se relega o galego a unha presenza do 33% no ensino obrigatorio, xa que tamén hai promesas de convocatorias para potenciar os centros con estas ofertas, agora baixo o título da Innovación Educativa.
O galego segue a quedar desprotexido por este decreto, sobre todo nas primeiras idades, nas que a aprendizaxe de idiomas máis fructifica. Os nosos rapaces e rapazas deixarán de favorecerse do trasvase de coñecementos en canto a linguas se refire ao non poder e recibir unha educación nas dúas linguas oficiais.
Unha verdadeira mágoa, xa que a partir de agora o galego desaparecerá das aulas de Infantil das nosas cidades e tamén dunha gran parte de Pontevedra.

1ª Edición do Correlingua do Morrazo

2010-05-19T23:17:00.003+01:00

O vindeiro venres 21 terá lugar a primeira edición do Correlingua do Morrazo.
Desenvolverase no concello de Bueu e está dirixido ao alumnado de Infantil e Primaria dos centros públicos e privados do Morrazo.
A Coordinadora de Equipos de Normalización Lingüística do Morrazo, considera necesario que a poboación da comarca se sensibilice coa delicada situación pola que pasa a nosa lingua nas idades temperás e tamén desenvolver accións que fagan mudar a tendencia á perda degalego-falantes nestas idades.
Percorreremos as rúas máis céntricas de Bueu e logo asistiremos ao concerto de Mamá Cabra.
Os centros participantes son: Ceip Montemogos, Ceip A Torre, CPI Virxe MIlagrosa, Ceip A Pedra, Ceip Quintela, Eei Berducedo, Ceip Seixo, Ceip A Laxe, Ceip A rúa, Ceip O Hío, Ceip O Carballal, Eei A Galiña Azul.

É cumprida obriga agradecer ao concello de Bueu o apoio e ánimo para organizar a actividade, facéndose cargo da contratación do grupo musical , a organización do concerto, a reordenación do tráfico....ata encargou a pancarta do evento, é esta:

E por suposto ao concello de Moaña e á organización do Correlingua por organizar o transporte. Animámolos para que poidamos celebrar edicións futuras do Correlingua no Morrazo

Un agasallo pola conta de Uxío

2010-05-11T21:20:00.009+01:00

Aquí podedes descargar o cuestionario das Letras Galegas, ou podedes pedilo mañá na biblioteca do cole:
Pode participar o alumnado do segundo e do terceiro ciclo.
Para resolvelo tedes que consultar nos seguintes enderezos:
Díptico Seminario Galán
Galipedia/Letras Galegas
Novoneyra.15 poemas para recitar

É un traballo voluntario que non se poderá resolver en horario de clase, poderedes utilizar os equipos informáticos da biblioteca, ou na biblioteca municipal, sempre que levedes o cuestionario.
Unha vez cuberto,deberedes entregalo aos vosos titores.
Os cuestionarios debidamente cumprimentados terán dereito a un agasallo sorpresa.
O alumnado do primeiro ciclo poderá optar ao agasallo se entrega un poema de Uxío Novoneyra ilustrado.

Xornada de emocións

2010-05-11T20:56:00.012+01:00

Hoxe desenvolvemos a primeira xornada do intercambio Quintela - Brea Segade, Moaña - Rianxo. Para algúns era a primeira vez que estaban na ría de Vigo e viaxaban en barco, e para nós era a primeira vez que tiñamos tantos rapaces falando galego no patio da escola.
Logo de dar un paseiño polo pobo, o concelleiro de Medio Ambiente de Moaña, recibeunos na praia da Xunqueira para explicarlles o proceso de rexeneración do complexo dunar .
Cando chegaron ao colexio, despois das presentacións e as visitas a todos os recunchos da escola, viñeron os xogos, pero neles Quintela e Taragoña xogaban no mesmo bando.
Agrupáronse por parellas, de maneira individual, por equipos...e todos e todas o pasaron en grande.
Un 10 para estes nenos e nenas de Taragoña, aos que fixemos cruzar media Galicia para coñecelos e escoitalos falar.
E un 10 tamén para o concello de Moaña, que colaborou con nós de xeito activo para que esta xornada fora un éxito.

Xa veñen!

2010-05-10T01:39:00.002+01:00

O martes 11 de maio, esperamos a visita do C.E.P. Brea Segade de Taragoña. Xa nos tardan!
Temos preparada unha xornada na que chegarán de Vigo en barco, visitarán o pobo de Moaña, coñecerán o noso cole e xogaremos xuntos. Estamos moi emocionados.
Ao longo do curso intercambiamos fotos, vídeos, contos, cartas e correos, agora queremos coñecelos en persoa e facer novos amigos.
En Audiobliblio podemos atopar as presentacións sobre Moaña que deseñou o alumnado do terceiro ciclo. Aquí tedes unha:

View more presentations or Upload your own.

Xavier Blanco na Galipedia

2010-05-09T19:20:00.004+01:00

Xavier Blanco, o mestre gaiteiro, etnógrafo e investigador moañés xa ten artigo na Galipedia.
Os de sexto, primeiro editaron a entrada que hai sobre Moaña, para incluir entre os persoeiros ilustres a Xabier Blanco.
A continuación crearon a entrada sobre Xabier, con información recollida do propio gaiteiro.
Vemos a imaxe no encerado dixital:

Preme na imaxe para ver como quedou:

Estudo do ICE sobre competencias comparadas en 4º de ESO

2010-05-06T23:02:00.004+01:00

O Instituto de Ciencias da Educación da Universidade de Santiago, ven de facer público o informe sobre a avaliación de competencias en galego e castelán do alumnado de 4º de ESO.

O estudo, coordinado por Bieito Silva Valdivia conclúe que os rapaces galegofalantes, acadan dominios máis igualitarios nas dúas linguas oficiais, que os monolíngües en castelán, outra proba máis de que as linguas suman. Recóllese tamén que o dominio do galego, sobre todo a nivel escrito, acada niveis lixeiramente inferiores aos do castelán.

Desde a Secretaría de Política lingüística sen embargo interprétase doutro xeito este estudo e proponse como medidas correctivas poñer aos rapaces en contacto coa lingua galega, eso sí,fóra das aulas.

Unha boa ocasión sería poder atopalo no cine, nos videxogos ou gozar dunha programación de televisión axeitada para estas estas idades.