![](https://blogger.googleusercontent.com/img/b/R29vZ2xl/AVvXsEgIDwQNXfQxJlXNwgDWG8Y6uUTRSW7V0XENtA7l5YnAW_v6fcTJgke4NVgnNkbZfzsFNmY5ROQCO8Jvr8J-SuE33ZRCwRUlJLfbgmZ7MPiVePOkopF0XVyw5x2Xc97yAXjPBUp6lMWtTWSJ/s400/rag.jpg)
A Real Academia Galega ven de publicar a súa "Análise das bases para a elaboración do decreto do plurilingüísmo". Foi aprobada por unanimidade no Plenario da Academia, de tal xeito que os redactores recibiron "varias series de baterías aprobatorias marcadas polos cotelos", así o relata o académico Méndez Ferrín no seu artigo"Análise académica".
O documento fai un estudo pormenorizado dos distintos apartados das bases, insistindo unha e outra vez na necesidade e vixencia da Normalización da nosa lingua.
Lembran algo obvio para todos os ensinantes: que o libre uso da lingua vai ligado necesariamente a que a administración garanta o seu coñecemento, e tamén que un trato igualitario para dúas ou tres linguas en situación desigual é un claro acto de desigualdade. Acto que contravén a lexislación vixente sobre protección e promoción do galego.
En varios puntos, ademais insístese na dubidosa legalidade do texto presentado pola Consellería, que esquece sentencias xudiciais e deixa sen desenvolver leis de amplo consenso.
Ningún comentario:
Publicar un comentario
Deixa aquí o teu comentario.Mira ao final da páxina como facelo.