Que suba o pano!

EXPOSICIÓN ITINERANTE

“FONDO TEATRAL MARÍA CASARES”

QUE É?  O Fondo teatral María Casares é  unha colección de fondos bibliográficos sobre teatro ,  o resultado dun convenio asinado no ano 1995 entre o Concello de Cangas, a compañía de "Teatro de Ningures" e a "Revista Galega de Teatro".

  Formado inicialmente pola cesión de fondos bibliográficos e diversas coleccións de revistas especializadas destas dúas entidades, vai progresivamente enriquecendo as súas posibilidades con novas e contínuas aportacións e completando secuencias incompletas das revistas.

   O Fondo conta actualmente con arredor dun millar de volumes e  revistas, que son unha base moi útil para todas as persoas interesadas polo feito teatral, sendo un depósito especializado en teatro único en Galicia.

ONDE ESTÁ? Sitúase na Biblioteca Central de Cangas e é de acceso público a través do carnet da biblioteca.

QUE REÚNE? Textos teatrais para escolares, para adultos e para grupos profesionais do teatro, libros didácticos sobre as distintas artes escénicas, expresión corporal, títeres, revistas e publicacións de todo o estado e do estranxeiro…etc

QUE PRETENDEMOS COA EXPOSICIÓN?

1.-Dar a coñecer á comunidade educativa (profesorado, pais ,alumnos/as e existencia do Fondo Teatral María Casares , a súa situación e forma de acceso ás obras que o compoñen.
2.-Impulsar a práctica teatral na escola como recurso interdisciplinar , para fomentar a expresión oral e corporal, a socialización, a creatividade, o compromiso, o traballo en grupo...
3.-Fomentar a tradución á lingua galega de obras de interese que estean noutras linguas.
4.-Propiciar novas adquisicións de libros de teatro infantil para a biblioteca do centro.
5.-Elaborar un arquivo con información sobre textos teatrais axeitados para nenos, que proporcione datos acerca das personaxes, argumento, ambientación, idade á que vai dirixida etc...

Ao longo destas dúas semanastivemos a exposición connosco, agora continuará o seu camiño polo colexio de Abelendo.