O alumnado de 5º estivo traballando moitísimo sobre a proposta que lle fixo a mascota da biblioteca Paco sobre o proxecto "O mar".
Investigaron sobre as illas que conforman o Parque Nacional das Illas Atlánticas. Gravaron na radio distinta información sobre Ons, Sálvora, Cíes e Cortegada e, enlazaron esa información coas Makey Makey programando con Scratch nas maquetas que elaboraron.
Un inmenso traballo que deu un fermoso resultado.
Parabéns!
O mércores, o alumnado de 1º e 2º visitou o Museo do Mar. Puideron coñecer moitos animais mariños. Viron o acuario, e mesmo o esquelete dun cachalote! E aínda quedou un tempiño para xogar na praia.
Onte as clases de 5° e 6° realizamos unha saída a Bueu para visitar o museo Massó.
Aprendemos a historia da creación e evolución da conserveira e puidenos visitar o museo cheo de obxectos e maquetas moi interesantes.
Tamén realizamos un obradoiro relacionado coa batalla de Rande.
Tivemos moita sorte co tempo que nos deixou disfrutar dunha merenda e dun rato de xogo ao sol.
Para coñecer un pouco máis o noso entorno marítimo, estivo na aula de 4º curso Marcos Ogando, comandante do helicóptero Pesca 1, con base en Vigo.
.jpeg)
.jpeg)
.jpeg)
O alumnado de Educación Infantil, visitou o Museo do Mar de Vigo.
Participaron nun obradoiro de "Tesouros da Ría", onde puideron descubrir a rica diversidade mariña que temos na nosa ría de Vigo.
Explicáronlles a gran diversidade de especies coas que convivimos, e puideron tocar tanto unha esponxa, como corais, mandíbula de pel de tiburón, ovos de raia, cunchas, etc.
Tamén visitaron o acuario para observar os peixes que nadan na ría, centolas, mexillóns, tiburón e moitas máis animais mariños.
Este curso o proxecto do cole é "O Mar", polo que invitamos a dúas familias da nosa comunidade que traballan no sector para que compartiran con nós os seus coñecementos e as súas vivenzas.
Grazas a Mario e Adrián por compartir o seu tempo e as súas experiencias. As familias sodes unha gran fonte de aprendizaxe para nós.
O venres, os nenos e nenas de 5º e 6º aprenderon moitísimas cousas sobre a vida no mar grazas ás persoas que os guiaron na exposición.
No pasado mes de setembro as nenas e nenos de 3º e 4º visitaron en Moaña unha exposición moi interesante sobre a historia da navegación.
A asociación Devanceiros do Mar foi a encargada de organizala. Os nosos guías foron Paco e Cristóbal e amosáronnos unha chea de cousas que nos encantaron.
Aquí tedes un pequeno resumo desta visita:
