O pasado 13 de xaneiro, o alumnado de 5º e 6º visitou Santiago de Compostela.
Achegámonos ao Parlamento de Galicia, onde coñecemos o seu funcionamento, e subimos aos tellados da Catedral, gozando das vistas e aprendendo sobre a súa historia. Foi unha saída moi interesante e enriquecedora.
No CEIP Quintela, celebramos o día Mundial da Radio cunha pequena homenaxe a este medio de comunicación tan importante e que nos cambiou a vida a todas e todos nós. A por moitos anos máis!
O alumnado de 5º e 6º de Educación Primaria gozou dun marabilloso obradoiro da man de Ton Arenas, quen lles amosou todo o proceso para deseñar e crear os seus propios títeres de cartón. Despois, déronlle voz e representaron pequenas escenas teatrais deixando voar a súa imaxinación.
Polo Día da Paz, o colexio de Quintela, recibiu unha visita moi especial: os voluntarios de GaliClown. Rimos coa súa actuación e contáronnos cal é o seu labor no hospital. Invitámosvos a escoitar esta entrevista que lles fixo o alumnado de 5º de primaria.
O pasado 14 de xaneiro o alumnado de 5º e 6º de Educación Primaria tiveron unha saída para visitar o Aquarium Finisterrae e o Domus. Foi unha xornada de aprendizaxe e convivencia marabillosa!
Onte o alumnado de 5º de primaria foron visitar os maiores do centro de día "Contigo".
Resultou unha actividade moi interesante e divertida porque cantaron unha panxoliña, bailaron e os nosos maiores contáronlles como pasaban o Nadal na súa infancia.
Que ben o pasaron!
O alumnado de 5º e 6º estivo traballando a conmemoración do 25N coa aplicación Scratch.
Saíron mensaxes moi enriquecedoras.
O venres tivemos o pracer de contar no cole con Damián Alonso, que nos ensinou moitas cousas sobre o mundo da radio (intensidade da voz, tono, volume, indicacións sobre cómo dar paso á voz ou á música cando gravamos…). Ensinounos a facer un guión e, por parellas, gravamos o noso podcast.
Grazas Damián, aprendemos moito!
O venres o alumnado de quinto e sexto de Primaria recibiu unha charla de ciberseguridade enmarcada dentro do Plan Director para a Convivencia e Mellora da Seguridade nos Centros Educativos e os seus Entornos.
Onte o alumnado de quinto e sexto de Primaria recibiron unha charla de protección da natureza enmarcada dentro do Plan Director para a Convivencia e Mellora da Seguridade nos Centros Educativos e os seus Entornos.
Resultou moi interesante.
Hoxe tivemos a visita đas promotoras de Igualdade do Concello de Moaña que nos ofreceron un taller de tarefas domésticas para fomentar a corresponsabilidade no fogar.
Os Reis Magos visitáronnos e puideron comprobar o ben que cantan e bailan os nenos e nenas de 5º e 6º.
Aquí están os nenos e nenas de 5º cos Reis Magos
E aquí o alumnado de 6º
En 5º, cantaron e bailaron O cometido.
En 6º cantaron un canon a dúos voces, acompañados con instrumentos de pequena percusión.
Hoxe, as nosas nenas e nenos foron cantar unha panxoliña aos maiores do centro de día Apreixo. Tiveron a sorte de escoitar aos maiores cantarlles a eles tamén e recibiron unha fermosa postal navideña que lle deron feitas coas súas mans.
Grazas Apreixo!
Hoxe, as nenas e nenos de 5° tivemos a 1ª sesión de voleibol impartida por dous monitores do Club de Voleibol Maniotas de Cangas enmarcada dentro do programa XOGADE. Virán ao cole durante 4 sesións para ensinarnos as nocións básicas deste deporte.
Grazas Mikel e Jairo por vir!
Unha nena e un neno da aula de 5º foron os representantes do noso centro no Pleno Infantil que se celebrou no concello este pasado xoves para trasladar as súas peticións, ideas e suxerencias sobre as contornas seguras e para que a súa calidade de vida mellore.
Este foi o paraugas que nos representou.
Que divertido aprender sobre á célula con RA!
Na clase de 5º fixeron un traballo de investigación no caderno, logo pintaron unha célula e, coa aplicación Quiver, foron quen de vela en RA dun xeito moi atractivo.
O alumnado de 5º estivo traballando moitísimo sobre a proposta que lle fixo a mascota da biblioteca Paco sobre o proxecto "O mar".
Investigaron sobre as illas que conforman o Parque Nacional das Illas Atlánticas. Gravaron na radio distinta información sobre Ons, Sálvora, Cíes e Cortegada e, enlazaron esa información coas Makey Makey programando con Scratch nas maquetas que elaboraron.
Un inmenso traballo que deu un fermoso resultado.
Parabéns!
Nas aulas de Infantil estanse recibindo visitas das familias para contar contos, e a semana pasada foi Karla, de quinto, á clase do seu irmán Mateo. Xunto coa súa madriña, narraron dúas bonitas historias, unha delas coa técnica do Kamishibai, que lles encantaron ás nenas e nenos.
