O alumnado de infantil e 1ºP disfrutou dunha mañá de outono no Lago Castiñeiras. Aproveitamos para recoñecer árbores de folla caduca, recoller castañas, landras e follas, e divertímonos todos xuntos no parque. Foi unha xornada moi divertida.
Amosando publicacións coa etiqueta Saímos da escola. Amosar todas as publicacións
Amosando publicacións coa etiqueta Saímos da escola. Amosar todas as publicacións
25/10/26
22/01/26
5º e 6º visitan Santiago de Compostela
O pasado 13 de xaneiro, o alumnado de 5º e 6º visitou Santiago de Compostela.
Achegámonos ao Parlamento de Galicia, onde coñecemos o seu funcionamento, e subimos aos tellados da Catedral, gozando das vistas e aprendendo sobre a súa historia. Foi unha saída moi interesante e enriquecedora.
26/10/24
Visita á granxa Kiriko
Este martes o alumnado de infantil visitou a Granxa Kirico, actividade subvencionada pola Deputación de Pontevedra, dentro do programa "Vive o Rural".
Pasaron unha xornada estupenda gozando da natureza.
25/11/23
Visita a Castiñeiras
Aproveitando o bo tempo o alumnado de infantil foi de excursión ao Lago Castiñeiras, disfrutando dun día de outono, xogando coas follas, disfrutando ao aire libre, e xogando cos compañeiros/as.
13/10/23
Andaina de outono en 1º e 2º
Este é o vídeo da andaina xunto ao río Rialdarca.
Tamén foron á Xunqueira e xogaron no parque.
Aproveitaron e aprenderon algunha cousiña: recoñeceron árbores e algunhas plantas silvestres e diferenciaron especies autóctonas de invasoras.
E, sobre todo, pasaron un tempiño agradable xuntos.
Así da gusto comezar o curso e recibir o outono!
10/12/22
Coñecendo o bosque atlántico
O alumnado de 4º e 5º de primaria visitaron o Campus universitario Lagoas-Marcosende en Vigo, para coñecer o bosque atlántico. É un roteiro moi fermoso!
28/09/22
Andaina pola nosa contorna
O día 23 de setembro o alumnado de 5º e 6º de primaria fixeron unha andaina pola ribeira de Tirán.
As nenas e nenos de 6º xa coñecen esta parte da nosa costa porque o curso pasado fixeron esta ruta acompañados polo alumnado de 6º que marchou para o instituto.
Coma gran coñecedores da zona explicáronlles moitos detalles do percorrido aos seus compañeiros e compañeiras de 5º.
Gozaron dun día estupendo!
07/04/22
Visita á Ludoteca de Moaña
A clase dos dinos visitaron a Ludoteca de Moaña. Pareceulles un lugar moi divertido.
Puideron xogar cunha chea de xoguetes e fixeron unha linda manuakidade.
20/11/21
Visita de 1º e 2º ao museo MARCO de Vigo
O noso alumnado de 1º e 2º visitaron esta semana Vigo.
Gozaron no museo Marco da exposición de Din Matamoro
" A mirada acesa" que está chea de luz e cor.
Tamén participaron nun obradoira moi chulo no que traballaron coas cores.
03/11/21
26/10/21
Saída pola ribeira de Tirán de 5º e 6º
O alumnado de 5º e 6º fixeron unha andaina desde o cole ata a praia de Tirán, visitando no camiño varios sitios importantes que ten o noso pobo. Os nenos e nenas de 6º documentaron a saída. Mirade que ben o fixeron!
22/10/21
Saída á carballeira de San Martiño de 3º e 4º
Os nenos e nenas de 3º e 4º fixeron a súa primeira saida xuntos. Aproveitaron o bo tempo e a estación na que estamos para pasear ata a carballeira de San Martiño. Visitaron a igrexa e aprenderon moitas cousas sobre a súa arquitectura. Tamén colleron froitos do outono para traer á clase e facer diversas actividades con eles. Foi unha saida con moito aproveitamento!
26/03/21
Saída da clase de 1º á praia do Con
Aquí vos deixamos unha pequena mostra da saída que fixo a clase de 1º á praia do Con.
Foi unha xornada fantástica na que gozaron do xogo ao aire libre.
Á volta visitaron a clínica veterinaria onde curaron ao gatiño que atopamos no colexio.
Pasárono fenomenal!
20/03/21
Saída a San Martiño e á Cruz do Paralaia
Os nenos e nenas de 5º e 6º fixeron unha andaina desde o cole ata San Martiño, donde tiveron a primeira parada, para continuar ata a Cruz da Paralaia, con descanso no Mirador do Leñador e no merendeiro que queda a medio camiño entre o monte aberto e a cruz.
Foi dura, pero pagou a pena!
29/10/20
4º visita San Martiño
O pasado xoves, 15 de outubro, as nenas e nenos de 4º subiron andando desde o cole ata a igrexa de San Martiño.
Sabían que era unha igrexa construída en estilo románico e que había unha inscripción en latín na porta lateral dereita.
Cando estaban a punto de vela achegóuselles un señor que dixo que el traducira a frase e que se querían lles podía falar da inscrición e de como fixera para traducila. Contoulles que se chamaba José Benito Rodríguez Parada, que era profesor de latín xubilado e que lle gustaba facer estes traballos de investigación.
Dámoslle as grazas pola amabilidade que tivo con nós.
A inscrición di:
Esta igrexa foi mandada construir o domingo 7 de 1197 para min e para todas as familias .
17/10/20
Paseo pola ribeira de Tirán en 5º e 6º
O alumnado de 5º e 6º gozaron esta semana dun agradable paseo. Nel aprenderon sobre os pazos que temos en Quintela e no Real, viron a báscula de pesar camións no porto pesqueiro, coñeceron praias e historias das mesmas....
Resultou unha visita moi interesante.
Non vos perdades a reportaxe que fixo o alumnado de 6º de primaria.
16/10/20
Saída por Rialdarca de 3º
Onte, o alumnado de 3º estivo paseando pola ribeira do río Rialdarca ata chegar ao centro do pobo.
Tamén visitaron a praza do inmigrante, viron a desembocadura do río dos Ladróns e remataron xogando no areal da Xunqueira.
Pasárono xenial!
03/06/19
Xornada en Allariz
Estupenda xornada de convivencia e actividades en Allariz e no río Arnoia.
Pola mañá os xogos de pistas axudaron a coñecer o fermoso e ben conservado casco antigo.
Na beira do río estaban fresquiños, pero aínda o estiveron máis cando palearon desde os kayak e xogaron coa auga:
Pola mañá os xogos de pistas axudaron a coñecer o fermoso e ben conservado casco antigo.
Na beira do río estaban fresquiños, pero aínda o estiveron máis cando palearon desde os kayak e xogaron coa auga:
Subscribirse a:
Publicacións (Atom)