Saída Clube de Remo Tirán

 

 

Saída ao parque dos sentidos

 Que fermoso día de convivencia tivo o alumnado de 1° e 2° no Parque dos sentidos

Coñecemos Galicia en RadioQuintela

 Este curso as nenas e nenos de 4º déronnos a coñecer os seus lugares favoritos de Galicia. 

Aquí vos deixamos as súas ideas. 

Facédelle moito caso. Xa veredes como non vos arrepentides de visitar Galicia.

CHARLA CIBERSEGURIDADE

 O venres o alumnado de quinto e sexto de Primaria recibiu unha charla de ciberseguridade enmarcada dentro do Plan Director para a Convivencia e Mellora da Seguridade nos Centros Educativos e os seus Entornos.

Charla Protección da natureza

Onte o alumnado de quinto e sexto de Primaria recibiron unha charla de protección da natureza enmarcada dentro do Plan Director para a Convivencia e Mellora da Seguridade nos Centros Educativos e os seus Entornos.

Resultou moi interesante.

Festival Letras Galegas

4º de infantil: "Métete baixo o mar"

5º de infantil: "A danza da chuvia"

6º de infantil:"O peixe Salmonete"

1º de primaria: "Quero ser cowboy"

 

2º de primaria: "Axente riciños"

3º de primaria: "O horror do plástico"

4º de primaria: "Tarará chis-pum"

5º de primaria: "Se chove"

6º de primaria: "A lavandeira da noite"

6º de primaria: "Restaurante Farruco"

O terceiro ciclo no Festival

 5º de primaria: "Se chove"

6º de primaria: "A lavandeira da noite"

6º de primaria: "Restaurante Farruco"

Charla boas prácticas en internet

 Hoxe visitounos Enrique Costa que nos explicou os perigos dun mal uso de  internet.

Entre outras cousas aprendemos a crear contrasinais seguros.

Carteis Festival Letras Galegas

Este venres celebraremos o Festival das Letras Galegas.
O alumnado de 5º elaborou estes estupendos carteis para que estemos ben informados do que vai acontecer.

 

Visita á praza de Moaña

 A clase de primeiro foi visitar a Praza de Abastos de Moaña. Alí agardáballes Alex para guiar a vista.

Aprenderon moito sobre os peixes, Como fai o rape para cazar aos peixiños, por que o Martiño ten unha mancha escura e moitas curiosidades  máis.

Esta actividade está organizada polo Concello de Moaña, no seu programa Aprende Moaña.

Gustounos moito a visita.

Xornada de marisqueo en 3º

Onte a clase de 3º foi á Xunqueira e puideron acompañar ás mariscadoras. Pasárono moi ben buscando marisco e xogando coa auga. Agardáballes  unha sorpresa moi especial, porque viron golfiños!

Excursión de 6º a Silleda

 Onte o alumnado de 6º volveu da  excursión de fin de curso. 

Pasaron tres días estupendos onde aprenderon a convivir coa natureza. 

Caranvexo TV

 Aquí vos deixamos a nosa edición do Caranvexornal.

Charla sobre o marisqueo en 3º

Onte na clase de terceiro tiveron a visita de María Dolores, a presidenta de mariscadoras de Moaña. Ensinoulles moitas cousas como a diferencia entre distintas ameixas, os aparellos que emprega, etc.Para rematar invitoulles a ir mariscar con ela á praia da Xunqueira. Que ilusión!!!

Maios no centro de maiores Contigo

 

 Onte o alumnado de terceiro foi invitado ao  centro Contigo para facer un maio e darlle así a benvida a primavera...

Encantoulles traballar en equipo cos nosos maiores.

Día da danza 2024

Este luns, 29 de abril, todos os nenos e nenas do CEIP Quintela celebraron o Día da Danza bailando dúas pezas de música tradicional galega.

As familias contan

 

 Un novo conto  compartido polas familias. Jeny contounos  A máscara de león , amósanos como empregar os sentimentos para relacionarnos.

Obradoiro de banda deseñada en 4º

Onte tivemos a visita de Jorge Campos, ilustrador de banda deseñada. Podemos atopar as súas ilustracións no cómic "Unha mestra en apuros", nalgúns exemplares da revista "Papagaio" e nalgunhas outras  publicacións.

Contounos que goza moito co seu traballo e achegounos ao mundo da banda deseñada dun xeito moi ameno.

Agradecémoslle moito que nos dedicase parte do seu tempo explicando o seu importante traballo.

Luísa Villalta: recursos Seminario Galán

Luísa Villalta é a autora homenaxeada este ano nas Letras Galegas. 

Coma tódolos anos o Seminario Galán pon á nosa disposición unha chea de materiais, recursos e actividades para coñecer mellor a esta escritora. 

Premede na imaxe

 

Recursos: Luísa Villalta

 Achégase o mes de maio e con el a celebración das Letras Galegas.

Este ano a autora homenaxeada é Luísa Villalta Gómez.

A Real Academia Galega ofrécenos no seu espazo web "Primavera das Letras" recursos lúdicos e didácticos para darnos a coñecer a figura e obra desta autora coruñesa. Atoparedes a súa biografía en formato conto, actividades interactivas e varios documentais.

Premede na seguinte imaxe