O alumnado de 5º estivo traballando moitísimo sobre a proposta que lle fixo a mascota da biblioteca Paco sobre o proxecto "O mar".
Investigaron sobre as illas que conforman o Parque Nacional das Illas Atlánticas. Gravaron na radio distinta información sobre Ons, Sálvora, Cíes e Cortegada e, enlazaron esa información coas Makey Makey programando con Scratch nas maquetas que elaboraron.
Un inmenso traballo que deu un fermoso resultado.
Parabéns!
Este é un breve resumo da experiencia do curso de 6º en Fervenza-aventura. Pasárono xenial.
Nas aulas de Infantil estanse recibindo visitas das familias para contar contos, e a semana pasada foi Karla, de quinto, á clase do seu irmán Mateo. Xunto coa súa madriña, narraron dúas bonitas historias, unha delas coa técnica do Kamishibai, que lles encantaron ás nenas e nenos.
Un ano máis o Seminario Galán ofrécenos recursos e actividades para coñecer a vida e a obra de Francisco Fernández del Riego.
Premede na imaxe para ver os recursos.
Este ano a Real Academia Galega pon á nosa disposición varios recursos no seu espazo web Primavera das Letras. sobre o autor homenaxeado no Dia das Letras Galegas, Francisco Fernández del Riego. Atoparedes desde a obra de teatro As cousas de don Paco de Eva Mejuto ata a sección Xoga connosco, con actividades interactivas e o concurso escolar Contádenos o Voso Día das Letras.
Premede na imaxe e atoparedes toda a información
Uxía e Lois agasállannos co poema Gato Don honorato de Helena Villar Janeiro
Na clase de música, celebraron tamén o mes da poesía, cantando un poema de María Victoria Moreno, con música de Susa Herrera.
Na clase de música de 2º, estiveron cantando un poema de Antonio García Teijeiro, con música de Susa Herrera. É un poema ben lindo. Esperamos que vos guste!
OS SOLPORES
Os
solpores teñen ollos
negros,
grises e vermellos,
que
aloumiñan as mociñas,
os
rapaces e os máis vellos.
Lalai
lalailai, lalai lalala…
Os
solpores teñen ollos,
misteriosos,
mentireiros,
que
deitan o seu rubor
encol
dos soños baleiros.
Lalai
lalailai, lalai lalala…
Os
solpores teñen ollos,
solermiños,
rebuldeiros,
que
danzan coa paisaxe
nos
veráns e nos invernos.
Lalai
lalailai, lalai lalala…
Os
solpores teñen ollos
inspirando
mil historias
que
acontecen nas aldeas,
nas
montañas e nas costas.
Lalai lalailai, lalai lalala…
Primeiro programa de Radio poemas, esta vez escoitamos a Aitor, Nahara, Mario e Lois.
Tamén na clase de música de 3º quixeron celebrar o mes da poesía cantando un poema. É o poema Treboada, de Antonio García Teijeiro, con música de Susa Herrera
Na clase de música, cantamos poesía. Nesta ocasión, un poema de Antonio García Teijeiro, con música de Susa Herrera. Quedou ben linda a nosa interpretación!
As nenas e nenos de 3º visitaron aos compañeiros de 4º, 5º e 6º de primaria para contarlles todo o que aprenderon na charla sobre a avespa velutina.
Neste mes, tamén nas sesións de música, quixeron lembrar o afortunados e afortunadas que somos por ter a poesía e poder gozar dela.
Aquí temos unha poesía de Florencio Delgado, con música de Susa Herrera.
RESPOSTA
A ROSALÍA
Ti cantar, cantar,
cantache,
ti cantache Rosalía
Ti cantar , cantar,
cantache
Da grasia de Deus
unxida.
Ai larala lailarala
lailarala lailaaa…
Rulas que os loitos
choran,
Galos na amañecida
Aires que tollen as
mágoas
mozas pernas que
rebrincan.
Ai larala lailarala
lailarala lailaaa…
Frores na beira do
río
Mar xogando coas
ondiñas
ti cantache alborada
ó amerncer dun craro
día.
Ai larala lailarala
lailarala lailaaa…
Ti cantar, cantar,
cantache,
ti cantache Rosalía
Ti cantar , cantar,
cantache
Vos glorios da
Galicia!
Ai larala lailarala
lailarala lailaaa…
Letra : Florencio
Delgado
Música: Susa Herrera
