Visitamos a ludoteca

Os nenos e nenas de Infantil visitaron a Ludoteca municipal. É unha actividade que forma parte do proxecto da concellalía de ensino "Aprende Moaña":

Asistimos a un concerto

Esta semana asisitimos ao concerto da Escola de múisica baseado non conto de OQO "Pulga e xigante".

Esta actividade forma parte do proxecto "Aprende Moaña" da Concellalía de ensino.

O xoves o alumnado de 5º curso fixo unha saída pola ribeira dos ríos Rialdarca e da Fraga.
Esta saída forma parte do proxecto "Aprende Moaña", da Concellalía de Ensino de Moaña.
Acompañounos Chani, que lles ensinou moitas cousas da flora e fauna dos nosos ríos.
Pasárono moi ben!

Empezando a andaina

No lavadoiro de Rialdarca

Descanso para merendar

Obradoiro de dobraxe en 4º de primaria

Esta semana visitaron o noso colexio Manuel Pombal e Suso Pando, actores e dobradores galegos, que nos falaron do mundo da dobraxe.
Explicáronlles aos rapaces e rapazas os pasos para elaborar unha película, desde a creación do guión ata a dobraxe.
Finalmente o alumnado gozou moito converténdose en dobradores dos seus personaxes.
Moitas grazas a Manuel e Suso e á Concellaría de Normalización Lingüística do Concello de Moaña por organizar esta actividade tan interesante e motivadora.

4º curso visita o Concello

Aquí vos deixamos un resumo feito por David e Iris ( 4º curso) da visita que fixeron para coñecer o Concello de Moaña. Estivo moi interesante.
Esta visita forma parte do proxecto "Aprende Moaña" da Concellalía de Ensino de Moaña

Visita da clase de 6º ao complexo medioambiental de Bueu

Onte o alumnado de sexto pudo ver de preto como se tratan todos os residuos dende a súa recolleita e coa finalidade de reutilizar para así contribuír ao mantemento do noso planeta.
Tamén puderon ver vídeos educativos que axudaron á concienciación do problema polo que estamos a pasar e a importancia de solucionalo.
Os monitores que nos acompañaron ao longo do percorrido foron explicándolles o funcionamento de toda a maquinaria e como están organizadas as instalacións.
Moitas grazas aos monitores.
Esta actividade forma parte das propostas de "Aprende Moaña", organizadas pola Concellalía de Ensino de Moaña.

   

Paseo polas esculturas de Moaña

O martes 23 de xaneiro a clase de 3º foi ver as esculturas que hai ao aire libre polo paseo e o Rosal.Esta é unha actividade que forma parte do proxecto "Aprende Moaña" da Concellalía de Ensino de Moaña

O pintor e escultor moañés Lito Portela guiou o seu paseo parando en cada escultura e falándolles  delas.

Pasárono moi ben e non lles importaría repetir.

Moitas grazas Lito!!

No outono ...cogomelos

O luns recibimos a Manolo Méndez na biblioteca do cole. É unha actividade que forma parte do proxecto Aprende Moaña que organiza a Concellalía de Ensino do Concello de Moaña.

Manolo deunos unha charla sobre os cogomelos. Foi moi interesante! Os nenos e nenas de 5º e 6º de Primaria aprenderon un montón de cousas.

Grazas, Manolo!

Visita ao Muíño de Abilleira e á Carballeira de Bronlle

Visita a Aula de Instrumentos Tradicionais de Moaña

Xavier Blanco ensinoulles ao alumnado de 1º un monte de músicas que se poden facer con cunchas,froitos e canas:

As tartarugas coñecen as esculturas de Moaña

A mascota do noso cole, o ratiño Paco, pediulles aos nenos e nenas de 4º de Infantil investigar un pouco as esculturas de Moaña.

Así que aquí está a clase das Tartarugas visitándoas. Hoxe foron á escultura dos animais abandonados, o monumento ao mariñeiro, ao choco bufón e ao Fisgón.

Día da árbore

Aquí vos deixamos unhas fotos e un pequeno texto feito por Iván da nosa saída ao Mirador dos Parentes para festexar o Día da árbore.

 

Ruta de sendeirismo

O martes, 3 de maio, a clase de 5º saíron de paseo polo río da Fraga. É unha actividade organizada polo concello dentro do programa "Aprende Moaña" e ofrecida aos colexios para que o alumnado de 5º coñeza a vexetación típica da ribeira dos ríos. Tiveron un guía, Chani, que 1º lles deu unha charla para familiarizarse co tema. Resultou moi interesante e divertida.

Coplas de entroido

Estas son as coplas que cantamos na festa do entroido 2011, nos vindeiros días poderemos escoitalas. Falan dos curruvellos, o personaxe do entroido tradicional moañés do que nos disfrazamos este curso. Foi moi divertido!
ENTROIDO 2011

Preparando o entroido

Mañá xoves 3 , visitaranos un representante da Asociación Meiramar Axóuxeres, para falarnos das figuras tradicionais do Entroido moañés, como son as Madamas e Galáns ,  o fedelloso e o home do saco. Estes personaxes adoitaban protagonizar o entroido na parroquia de Meira , permanecendo na valiosa memoria dos nosos maiores. A asociación cultural recolleu nunha publicación as investigacións desenvolvidas sobre o entroido e ten programada para o vindeiro 6 de marzo unha xornada festiva que reproducirá o entroido tradicional moañés.

1ª Edición do Correlingua do Morrazo

O vindeiro venres 21 terá lugar a primeira edición do Correlingua do Morrazo.
Desenvolverase no concello de Bueu e está dirixido ao alumnado de Infantil e Primaria dos centros públicos e privados do Morrazo.
A Coordinadora de Equipos de Normalización Lingüística do Morrazo, considera necesario que a poboación da comarca se sensibilice coa delicada situación pola que pasa a nosa lingua nas idades temperás e tamén desenvolver accións que fagan mudar a tendencia á perda degalego-falantes nestas idades.
Percorreremos as rúas máis céntricas de Bueu e logo asistiremos ao concerto de Mamá Cabra.
Os centros participantes son: Ceip Montemogos, Ceip A Torre, CPI Virxe MIlagrosa, Ceip A Pedra, Ceip Quintela, Eei Berducedo, Ceip Seixo, Ceip A Laxe, Ceip A rúa, Ceip O Hío, Ceip O Carballal, Eei A Galiña Azul.

É cumprida obriga agradecer ao concello de Bueu o apoio e ánimo para organizar a actividade, facéndose cargo da contratación do grupo musical , a organización do concerto, a reordenación do tráfico....ata encargou a pancarta do evento, é esta:

E por suposto ao concello de Moaña e á organización do Correlingua por organizar o transporte. Animámolos para que poidamos celebrar edicións futuras do Correlingua no Morrazo