Taller de xabón

Onte fixemos o taller de xabón líquido para lavadora. Aquí tedes unhas fotos e a receita, por se vos animades a facelo nas casas. Xa sabedes, se tedes algunha dúbida, preguntade!

XABÓN LÍQUIDO PARA LAVADORA

Precisamos:

Ø  1 litro de auga

Ø  10 g. de sosa

Ø  100 ml. Aceite de oliva

Ø  Sal

Así se fai:

1.    Poñemos mascarilla e luvas para protexernos.

2.    Nun recipiente, botamos 1 l de auga a temperatura ambiente. Engadimos pouco a pouco a sosa e remexemos ata que quede disolta. Deixamos repousar uns minutos.

3.    Botamos o aceite de oliva no envase no que vaiamos  facer o xabón.

4.    Engadimos a mestura de sosa e auga sobre o aceite. NUNCA AO REVÉS.

5.    Engadimos un pouquiño de sal, poñemos o tapón no recipiente e axitamos enerxicamente.

6.    Quitamos o tapón e deixamos repousar. A mestura debe axitarse 2 ou 3 veces ao día ata que o xabón se faga (tarda 15 días aproximadamente). O envase debe gardarse nun lugar escuro e seco.

7.   Se o xabón quedase moi denso, podemos poñer ao baño María o envase e, cando o xabón estea derretido, engadimos auga quente. Despois hai que volver a axitar para homoxeneizar a mestura.