En 4º fan aceite de caléndula

A semana pasada a mestra Mª Carrasco amosoulles ao alumnado de 4º de primaria como se fai aceite de caléndula.

Levou pétalos de caléndula e aceite. Díxolles que o mellor aceite era o de xirasol prensado en frío porque é o que mellor extrae as propiedadees da caléndula.

O proceso que seguiron foi: 
Primeiro puxeron os pétalos de caléndula nunha bandexa.

 
Despois botaron os pétalos dentro dun bote de cristal.

A continuación botaron lentamente o aceite cubrindo todos os pétalos.

Por último tapárono e envolvérono nun xornal.

Agora hai que deixalo fóra durante corenta lúas e corenta soles.

Pasado ese tempo hai que coalo cunha tea ou cun coador.

Este aceite é moi beneficioso para a pel.   
  Grazas María!