Día das Aves

Hoxe desenvolveuse en Punta Balea ,en Cangas a xornada de celebración do Día das Aves.O Grupo de Anelamento Anduriña, (xunto coa Asociación Española de Ornitoloxía) atendeu ,con interesantes explicacións, as inquedanzas do abundante público que se acercou ata este paraxe.
A primeira hora estendéronse a redes e tiveron lugar os primeiros avistamentos de aves e ao longo da mañá desenvolvéronse as actividades de anelamento, rexistrando os parámetros físicos de cada ave e permitindo aos cativos e adultos o coñecemento dos costumes de cada individuo.
Repartiuse entre os asistentes distinto material incluído o libro que o Grupo Anduriña editou sobre o espazo natural de punta Balea.
Este tipo de actividades axúdannos en primeiro lugar  a coñecer o contorno, pero tamén a valorizar o rico patrimonio natural que posuímos .